Dhu*a në ndeshjen Iliria-Skënderbeu, Çobani: S'kisha dëgjuar që futbollistët të bënin sherr para ndeshjes
Nga Anila Zyberaj Përditësimi i fundit 4 Dhjetor 2025, 17:16
Ish-futbollisti, Artur Çobani në një intervistë në emisionin 'Sport Focus'' në Ora News u shpreh se nuk kishte dëgjuar ndonjëherë që futbollistët e dy ekipeve të bënin sherr pa filluar ndeshja, duke iu referuar rastit të dhunës në sfidën mes Ilirisë dhe Skënderbeut.
Çobani: Ne jemi ndeshur me raste dhune.
Historiku i futbollit ka shumë.
Por gjithmonë kemi folur për rastet e dhunës që kanë ndodhur brenda në fushë.
Ose që ka ndodhur nga tifozët, nga faktorët e jashtëm dhe jo ata që janë aktorë.
Kurse kjo është e veçantë sepse ka ndodhur midis aktorëve.
Është e rrallë sepse unë nuk kisha dëgjuar ndonjëherë që futbollistët e të dyja skuadrave të krijonin një ambient tensioni dhe sherri pa filluar ndeshja.
