Një gafë e turpshme për gjigandin spanjoll, Reali detyrohet të kërkojë falje
Nga OraNews Përditësimi i fundit 23 Nëntor 2025, 17:05
Real Madridi vendosi të publikojë një video homazhi për të nderuar të gjithë futbollistët e njohur që u ndanë nga jeta gjatë vitit 2025, në mbledhjen e fundit të klubit.
Videoja përfshinte imazhet e shumë lojtarëve që humbën jetën këtë vit, mes tyre edhe vdekjen tragjike e Diogo Jota-s.
Real Madridi dëshironte të publikonte imazhin e Jotës, si edhe të vëllait të tij, Andre Silva, i cili humbi jetën në një aksident automobilistik.
Megjithatë, ekipi i rrjeteve sociale të klubit gaboi, pasi vendosi në video fotografinë e sulmuesit të Elche-s, André da Silva, në vend të Andre Silva-s, vëlla i Diogo Jota-s.
Klubi u detyrua ta fshinte menjëherë videon dhe publikoi një mesazh faljeje:
“Real Madrid C. F. i kërkon falje Elche C. F.-së dhe lojtarit të saj, André da Silva, përfshirjes gabimisht në një video institucionale të imazhit të tij në vend të atij të André Silva-s, vëlla i Diogo Jota-s, ish-lojtar i Liverpool-it.
Ne e kërkojmë ndjesë me keqardhje për atë që ndodhi.”
Real Madridi do të përballet me Elche-n në ndeshjen e radhës në La Liga, çka mund të sjellë një takim të sikletshëm me André da Silva-n.
