FOTO-ALBUMI/ Nëntori i festave “vesh” me ngjyrat kuqezi institucionet arsimore
Nga OraNews Përditësimi i fundit 21 Nëntor 2025, 09:19
Festat e nëntorit po priten me aktivitete të larmishme nga nxënësit e shkollave në të gjithë vendin.
Institucionet e arsimit parashkollor dhe shkollat kanë nisur prej kohësh përgatitjet për Ditën e Alfabetit dhe Festat e Nëntorit.
Kryeministri Edi Rama ndau në rrjetet sociale momente nga Nëntori i Festave, i cili është përcjellë me ngjyrat kuqezi në të gjitha shkollat e vendit, ku janë organizuar ekspozita, si dhe aktivitete të tjera kulturore dhe sportive.
“Përmes programit ‘Art dhe Zeje’, orës së artit figurativ, letërsisë dhe aktiviteteve komunitare, nxënësit në të gjithë Shqipërinë, nga Vlora në Tiranë, Elbasan, Përmet e Dibër po përgatiten për të festuar Ditën e Alfabetit dhe festat e Nëntorit”, u shpreh Rama.
Programi Kombëtar “Art dhe Zeje” ka për qëllim inkurajimin e mësimit të punimeve të artit dhe atyre artizanale përmes veprimtarive praktike, nxitjen e aftësive sipërmarrëse të nxënësve në perspektivën e ruajtjes dhe të promovimit të vlerave të komunitetit ku jetojnë, si dhe të trashëgimisë sonë kulturore.
Programi kombëtar ka nisur zbatimin në shkollat e vendit, duke i kthyer ato në qendra ku nxënësit zhvillojnë vlerat e traditat.
