PD proteston/ Myzyraj: Hapësira e opozitës është ngushtuar, pritet të ngrihet një foltore para Kryeministrisë
Nga OraNews Përditësimi i fundit 15 Nëntor 2025, 15:42
Në studion e OraNews, gazetari Isa Myzyraj ka folur rreth mobilizimit të opozitës dhe situatës aktuale në Kuvend.
Teksa mazhoranca ka refuzuar dy nga komisionet hetimore të kërkuara nga Partia Demokratike, opozita i është drejtuar Gjykatës Kushtetuese.
Myzyraj si rrjedhojë është shprehur se opozitarëve iu është ngushtuar hapësira parlamentare. Gjë që ka sjellë ngritjen e një proteste përballë Kryeministrisë.
Ai e ka cilësuar si një protestë jo tipike si tubimet e mëparshme të demokratëve.
Pozicionimi i një foltoreje përballë zyrës së kryeministrit është etiketuar si parlamenti i qytetarëve nga kryedemokrati, Sali Berisha.
Sipas informacioneve të gazetarit Myzyraj, kjo foltore pritet të ngrihet në javët në vijim nga opozita.
Ndërkaq, PD pritet të zhvillojë protestën ditën e hënë.
