Nisin problemet e para të zgjedhjeve lokale, në Berat ka probleme me kamerat
Nga OraNews Përditësimi i fundit 9 Nëntor 2025, 07:22
Tashmë kanë nisur problemet e para në Berat, aty ku mbahen sot zgjedhjet për kryebashkiakun e ri.
Në një qendër votimi, përkatësisht për 3270, ka probleme me kamerat.
Pavarësisht se ka startuar ora zyrtare e nisjes së procesit zgjedhor, në këtë qendër votimi kjo nuk ka ndodhur.
Nga ana tjetër në një qendër tjetër votimi ka ushtruar të drejtën e tij qytetari i parë.
Në Bashkinë e Beratit të drejtën e votës e kanë 82 mijë e 161 zgjedhës, të cilët do të votojnë në 116 qendra votimi.
Në këtë bashki kryetari i komanduar Ervin Ceca përfaqëson PS-në ndërsa do të përballet me Pavllo Shkarpa, kandidat i pavarur.
