Izraeli bombardon objektivat e Hezbollahut në Libanin jugor, paralajmëron banorët të evakuohen
Nga OraNews Përditësimi i fundit 6 Nëntor 2025, 16:26
Ushtria izraelite ka njoftuar sot se ka filluar të bombardojë, objektivat e Hezbollahut në Libanin jugor.
Ushtria lëshoi një paralajmërim për banorët e zonës, që të evakuoheshin nga shtëpitë e tyre në tre fshatra.
"Ushtria izraelite nisi një seri sulmesh kundër objektivave ushtarake të Hezbollahut në Libanin jugor ", njoftoi ushtria.
Lëvizja shiite libaneze e mbështetur nga Irani njoftoi këtë mëngjes se hedh poshtë çdo negociatë politike me palën izraelite.
Hezbollahu shpalli të drejtën legjitime për t'u mbrojtur kundër Izraelit.
Ushtria izraelite më parë lëshoi një paralajmërim për banorët e tre fshatrave në Libanin jugor, që të largoheshin nga zonat e tyre.
Kjo duke paralajmëruar se do të bombardonte infrastrukturën ushtarake të Hezbollahut në zonë.
