Duka zhvillon vizitë zyrtare në Federatën Kineze të Futbollit
Nga OraNews Përditësimi i fundit 17 Tetor 2025, 15:28
Presidenti i Federatës Shqiptare të Futbollit, Armand Duka, po zhvillon një vizitë zyrtare në Kinë, në ambientet e Federatës Kineze të Futbollit.
Gjatë kësaj vizite, kreu i qeverisë së futbollit shqiptar u prit në një takim zyrtar nga Presidenti i Federatës Kineze të Futbollit, Xu Jiren, dhe stafi i tij.
Qëllimi i takimit ishte forcimi i marrëdhënieve dhe shkëmbimi i eksperiencave midis dy federatave.
Nëpërmjet një postimi në rrjetet sociale, Duka e ka cilësuar takimin si shumë pozitiv dhe të vlefshëm, duke theksuar se u hodhën bazat për krijimin e hapave të rinj bashkëpunimi në të ardhmen me Federatën Kineze të Futbollit.
