''Protesta bëhet për të shpëtuar UÇK'', Goxhaj: Gjykata e Hagës synon që ta shpallë ushtri terroriste
Nga Anila Zyberaj Përditësimi i fundit 17 Tetor 2025, 13:20
Ish-luftëtari i UÇK, Dilaver Goxhaj në një intervistë në Ora News u shpreh se gjykata e Hagës synon që të shpallë UÇK, ushtri terroriste.
Goxhaj: Është e vërtetë që liria ka emër por ai emër është Ushtria Çlirimtare e Kosovës, jo e individëve.
Kam bindjen se folësit në këtë miting do ta theksojnë se kjo protestë bëhet për të shpëtuar Ushtrinë Çlirimtare të Kosovës.
Sepse gjykata e Hagës që është krijuar nga parlamenti i Kosovës dhe quhet gjykatë e Kosovës.
Ajo gjykatë dhe ato prokurorë me çfarë po shohim këto 5 vjet, synojnë që ta shpallin Ushtrinë Çlirimtare të Kosovës, ushtri terroriste.
Dhe një pjesë e tyre kanë bërë gabim e thonë që nuk kemi pasur Shtab të Përgjithshëm.
Çdo të thotë kjo? Që paskan qenë terroristë. Atëherë paskemi pasur luftë civile.
Atëherë Kosova ishte pjesë e Serbisë se këta ishin terroristë dhe Serbia ndërhyri me ushtri për të ndaluar këtë luftë civile.
Ky është qëllimi final i asaj gjykate.
Dhe mendoj se në protestë këtu duhët të këmbënguli protesta.
Që UÇK është një ushtri popullore, një ushtri që luftoi për çlirimin e vetes nga pushtimi një shekullor 87 vjet e pushtuar nga Serbia.
