Ministri polak i Mbrojtjes : Shkelja e hapësirës ajrore, provokim serioz
Nga OraNews Përditësimi i fundit 10 Shtator 2025, 12:35
Ministri polak i Mbrojtjes, Władysław Kosiniak-Kamysz, e ka përshkruar hyrjen e dhjetra dronëve të dyshuar rusë në hapësirën ajrore të Polonisë si një provokim shumë serioz.
Ai u tha sot gazetarëve se ishte në kontakt të vazhdueshëm me homologët e tij në vendet aleate.
“E kemi situatën nën kontroll”, siguroi ai.
Forcat polake dhe ato të NATO-s i rrëzuan dronët gjatë natës dhe kërkimet për mbetjet vazhdojnë.
Ndërkohë, ministri i Brendshëm polak, Tomasz Siemoniak, u bëri thirrje qytetarëve të qëndrojnë të qetë dhe të ndjekin nga afër njoftimet zyrtare.
Tusk, pas një takimi emergjent, paralajmëroi gjithashtu për dezinformimin rus në rrjetet sociale.
