Pritshmëri e lartë nga tifozët e Milanit, ‘San Siro’ i shitur i tëri për ndeshjen me Cremonese-n
Nga OraNews Përditësimi i fundit 22 Gusht 2025, 18:07
“San Siro’ do të jetë i tejmbushur nesër në ndeshjen hapëse të kampionatit mes Milanit dhe Cremonese-s.
Klubi kuqezi ka konfirmuar se janë shitur të gjitha (75 mijë) biletat, nga të cilat 35 mijë u përkasin abonentëve sezonalë.
Kjo do të jetë një mbrëmje e veçantë, pasi shënon rikthimin e Massimiliano Allegrit në pankinën e Milanit, një ngjarje që ka ngjallur interes dhe entuziazëm të madh te tifozët.
Numri i lartë i abonimeve tregon qartë afërsinë dhe besimin që tifozët vazhdojnë të kenë ndaj skuadrës.
Për më tepër, mbi 80% e abonentëve historikë, ata me të paktën pesë sezone radhazi në ‘San Siro’, kanë vendosur të rinovojnë abonimin e tyre.
Ky sukses i shitjeve jo vetëm që garanton një atmosferë elektrizuese në shkallët e stadiumit, por është edhe një sinjal i fuqishëm për mbështetjen që Milani gëzon në prag të një sezoni të ri plot ambicie.
