VIDEO+EMRI/ Policia zbulon parcelën me 77 bimë kanabis, arrestohet në flagrancë 58-vjeçari në Mallakastër
Nga OraNews Përditësimi i fundit 8 Gusht 2025, 09:27
Policia ka zbuluar një parcelë me 77 bimë narkotike kanabis.
Në Mallakastër gjatë operacionit "Koordinata" u arrestua, 58-vjeçari. Kastriot Xhemalaj.
Njoftimi:
Mallakastër/Kontrolle intensive në të gjithë territorin e rrethit, me objektiv parandalimin, evidentimin dhe goditjen e rasteve të kultivimit të bimëve narkotike.
Gjenden gjatë kësaj faze të planit operacional “Koordinata”, 77 bimë narkotike Cannabis Sativa.
Arrestohet në flagrancë, në parcelën ku ishin kultivuar bimët, autori i rastit.
Shërbimet e Komisariatit të Policisë Mallakastër, si rezultat i kontrolleve të kryera në kuadër të planit operacional “Koordinata”, goditën një tjetër rast të kultivimit të bimëve narkotike.
Nga kontrollet, në fshatin Visokë u konstatua një parcelë ku ishin kultivuar 77 bimë të dyshuara narkotike Cannabis Sativa, një pjesë e të cilave u sekuestrua me cilësinë e provës materiale, ndërsa pjesa tjetër u asgjësua nëpërmjet djegies.
Gjatë ndërhyrjes së Policisë, u kap në flagrancë, në parcelë, shtetasi K. Xh., 58 vjeç, i cili u arrestua për veprën penale “Kultivimi i bimëve narkotike”.
Plani operacional policor antikanabis “Koordinata” vijon intensivisht, në të gjithë territorin e qarkut Fier.
Materialet procedurale iu referuan Prokurorisë së Fierit, për veprime të mëtejshme.
