Gjermania kërcënon me sanksione Izraelin për situatën në Gaza
Nga OraNews Përditësimi i fundit 2 Gusht 2025, 14:40
Qeveria gjermane po shqyrton seriozisht mundësinë e vendosjes së sanksioneve ndaj Izraelit për shkak të përkeqësimit të situatës humanitare në Rripin e Gazës.
Kancelari gjerman, Friedrich Merz deklaroi se një vendim për këtë çështje mund të merret në ditët në vijim, pasi të pranohet një raport i plotë nga Ministri i Jashtëm, Johann Wadephul, i cili ndodhet aktualisht në një vizitë zyrtare në Lindjen e Mesme për të vlerësuar situatën nga afër.
“Gjendja në Gaza është e papranueshme,” tha Merz në një konferencë për shtyp në Berlin. Ai shtoi se Gjermania nuk mund të qëndrojë indiferente ndaj vuajtjeve të civilëve palestinezë dhe se çdo vend mik i Izraelit ka përgjegjësi të ngrejë zërin kur standardet humanitare shkelen.
