Historia me Interin është mbyllur, Botafogo negocion me Taremin...
Nga OraNews Përditësimi i fundit 25 Korrik 2025, 19:12
BRAZIL - Botafogo është duke negociuar me ish-lojtarin e FC Portos, Mehdi Taremi, një lojtar aktualisht në listën e Interit, sipas Globo Esporte.
Sulmuesi iranian ka një kontratë me klubin italian deri në mesin e vitit 2027.
Do të jetë një marrëveshje e vështirë për klubin brazilian, pasi Taremi dëshiron të qëndrojë në Evropë dhe thuhet se ka folur tashmë me ekipin turk Besiktas për një transferim të mundshëm në Stamboll.
Prandaj, Botafogo, për të bindur lojtarin, do të jetë e gatshme t'i ofrojë një pagë të mirë dhe premtimin se ai do të jetë një nga yjet e klubit. Kontrata e ofruar është e vlefshme deri në vitin 2027.
Mehdi Taremi u transferua në Itali si transferim i lirë nga FC Porto në verën e vitit 2024, duke bërë 43 paraqitje, tre gola dhe shtatë asiste për Interin.
Për “Dragons”, lojtari iranian kaloi katër sezone, gjatë të cilave fitoi një Ligë Portugeze , tre Kupa Portugeze dhe dy Superkupa.
