Pazari i humbur i Shkodrës/ Bedeni: Janë rreth 200 imazhe të ndryshme, projekt për rijetëzimin e tij
Nga OraNews Përditësimi i fundit 22 Korrik 2025, 22:22
Drejtori i Muzeut Marubi, Luçjan Bedeni në një lidhje të drejtpërdrejtë në emisionin ‘’Ora e Betit’’ në Ora News u shpreh se janë rreth 200 imazhe të ndryshme të pazarit të humbur të Shkodrës.
Bedeni: Për fatin e mirë ne disponojmë një arkivë mjaft të pasur.
E cila pjesë të saj ka edhe një seri, një koleksion ku dëshmon dhe ruan kujtesën se çfarë ishte pazari.
Këtu e thuajse një vit e gjysëm më përpara ne kishim një dëshirë për të ndërtuar një projekt pikërisht për rijetëzimin e pazarit të Shkodrës.
Meqenëse kjo vinte edhe për shkakun e numrit të konsiderueshëm të fotove.
Njëri prej rafteve ku ruhen negativët është i dedikuar kryesisht projekteve më të rëndësishme, më të vjetra.
Dhe aty gjenden rreth 100-200 imazhe të ndryshme të shkrepura në vite.
