EMRI/ Zjarri del jashtë kontrollit në Belsh, arrestohet 64-vjeçari që e shkaktoi
Nga OraNews Përditësimi i fundit 22 Korrik 2025, 12:15
Një zjarr i ndezur në mënyrë të pakujdesshme ka shkaktuar dëme të mëdha në fshatin Shegas të Belshit, ku janë djegur rreth 40 hektarë tokë me pemë ulliri dhe sipërfaqe pyjore. Shërbimet e Komisariatit të Policisë Cërrik identifikuan dhe arrestuan në flagrancë autorin e dyshuar të zjarrvënies, shtetasin Haki Meta, 64 vjeç, banues në Shegas.
Sipas hetimeve paraprake, dyshohet se 64-vjeçari kishte ndezur zjarr për pastrimin e tokës së tij, por flakët dolën jashtë kontrollit dhe përfshinë një zonë të gjerë natyrore, duke shkaktuar dëme të konsiderueshme.
Njoftimi i policisë:
Belsh, Cërrik
Ndezi zjarr në tokën e tij dhe si pasojë e përhapjes së flakëve u dogjën një sipërfaqe toke me ullinj dhe një sipërfaqe pylli, identifikohet dhe arrestohet në flagrancë.
Shërbimet e Komisariatit të Policisë Cërrik, si rezultat i hetimeve të kryera për një rast zjarri në fshatin Shegas, identifikuan dhe arrestuan në flagrancë autorin e dyshuar, shtetasin H. M., 64 vjeç, banues në fshatin Shegas.
Nga hetimet e kryera dyshohet se ky shtetas ka ndezur zjarr në tokën e tij dhe si pasojë e përhapjes së flakëve është djegur një sipërfaqe toke me pemë ulliri dhe një sipërfaqe pylli, në total rreth 40 ha.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Drejtoria Vendore e Policisë Elbasan apelon për të gjithë qytetarët, që në asnjë rast të mos ndezin zjarre, pasi do të përballen me ligjin. Policia fton qytetarët që të denoncojnë në numrin 112, çdo rast të kësaj veprimtarie kriminale dhe të paligjshmërive në tërësi, dhe iu garanton anonimat, reagim të shpejtë dhe të paanshëm. me bej nje titul
