Situatë e tensionuar te Reali, zbulohen përplasje në dhomat e zhveshjeve
Nga OraNews Përditësimi i fundit 17 Korrik 2025, 17:48
Këto nuk kanë qenë ditë të qeta për Real Madridin e Alonsos. Aktualisht, skuadra e parë dhe stafi i trajnerëve po pushojnë pas paraqitjes në Kupën e Botës për Klube.
Alonso pranoi të merrte drejtimin e ekipit pas afrimit të Dean Huijsen dhe Trent Aleksander-Arnold.
Të dy mbërritën si një shenjë e besimit të klubit për punën e trajnerit të ri.
Një tjetër çështje kyçe në Kupën e Botës për Klube ka qenë marrëdhënia midis Vinicius Jr. dhe Alonsos.
Trajneri gjithmonë ka qenë i kënaqur që ka pasur sulmuesin brazilian, por duket se ka pasur tension midis të dyve pas ndeshjes kundër PSG-së.
Në atë ndeshje, ish-lojtari i Flamengos u detyrua të luante në krahun e djathtë, një situatë që nuk u prit mirë.
