NË KËRKIM TË LIRISË/ Sot seanca në Apelin e Posaçëm për ankimimin e Ilir Metës, avokati: Patjetër që do ta lirojmë (VIDEO)
Nga Edison Vatnikaj Përditësimi i fundit 17 Korrik 2025, 09:41
Sot në Apelin e Posaçëm mbahet seanca për presidentin e Partisë së Lirisë, Ilir Meta, i cili kërkon ndryshimin e masës së sigurisë.
Gjykata do të shqyrtojë ankimimin e ish-presidentit kundër vendimit që e la në paraburgim që prej 21 tetorit të vitit 2024.
Avokati i Metës, Kujtim Cakrani i pyetur nga "Ora News" në hyrje të Gjykatës u shpreh i bindur se sot Ilir Meta do të lirohet.
BISEDA
Gazetari: Do të lirohet sot z. Meta?
Avokati: patjetër që do ta lirojmë
Meta i është drejtuar edhe Gjykatës Kushtetuese, ku kërkon shfuqizimin e vendimit të 27 shkurtit të Gjykatës së Lartë, që e la në masën e sigurisë arrest në burg si dhe prishjen e vendimeve edhe në shkallët më të ulëta, atë të Apelit të Gjykatës së Posaçme më 19 nëntor 2024 dhe të Shkallës së Parë më 20 dhe 23 tetor 2024.
Ilir Meta u vu në pranga në lidhje me hetimet e Prokurorisë së Posaçme, e cila ka bashkuar në një dosje të vetme çështjen CEZ-DIA, lobimin në SHBA të ish-LSI-së, si dhe hetimin pasuror ndaj tij dhe bashkëshortes së tij, Monika Kryemadhi.
