Zelenksy: Rusia përdori mbi 1,200 dronë dhe 1,000 bomba rrëshqitëse kundër Ukrainës javën e kaluar
Nga OraNews Përditësimi i fundit 7 Korrik 2025, 19:01
Presidenti ukrainas Volodymyr Zelensky tha javën e kaluar, se Rusia përdori rreth 1 270 dronë, 39 raketa dhe gati 1 000 bomba rrëshqitëse kundër Ukrainës, sipas “Ukrinform”.
Zelensky vuri në dukje se pasojat e sulmeve të fundit ajrore ruse ishin ende duke u analizuar. “Operacionet e shpëtimit emergjent kanë qenë të angazhuar në rajonet e Donetskut dhe Dnipros.
Sipas tij, 27 persona u plagosën, përfshirë tre fëmijë. Tre persona janë shtruar në spital. Fatkeqësisht, pati një të vdekur në Odesa.
Zelensky tha se rusët kishin lëshuar 101 dronë kundër Ukrainës, shumica prej tyre ishin të prodhimit ruso-iranianë “Shahed”
“Në total, javën e kaluar, Rusia lëshoi rreth 1 270 dronë, 39 raketa dhe gati 1000 bomba”, tha ai. Ai theksoi se Ukraina po mbështetet te partnerët e saj për të përmbushur plotësisht atë që është rënë dakord.
“Mbrojtja ajrore mbetet përparësia kryesore për mbrojtjen e jetëve. Ne gjithashtu po përparojmë në mënyrë aktive marrëveshjet për investime në prodhimin tonë vendas të armëve, duke përfshirë të gjitha llojet e dronëve”, shtoi Zelenksy.
“Fokus i veçantë është te dronët interceptues. Ne po lidhim kontrata me kapacitet të plotë. Falënderoj të gjithë partnerët që po na ndihmojnë”, tha ai.
Duke filluar nga ora 21:30 të dielën, më 6 korrik, Rusia nisi një sulm ndaj Ukrainës duke përdorur katër raketa të drejtuara tokë-ajër S-300/400, 101 UAV të tipit “Shahed” dhe lloje të ndryshme dronësh mashtrues.
Që nga ora 09:30 e së hënës, më 7 korrik, mbrojtja ajrore e Ukrainës ka neutralizuar 75 dronë mbi rajonet veriore, lindore dhe jugore.
