Ngërçi në Kosovë/ Deputetja e Nismës Social Demokrate, Izmaku: Ende nuk kemi në tavolinë një marrëveshje politike
Nga Siklajda Shorja Përditësimi i fundit 4 Korrik 2025, 18:15
Deputetja e Nismës Social Demokrate, Xhevahire Izmaku në një intervistë në Ora News u shpreh se ende nuk ka një marrëveshje politike për konstituimin e Kuvendit të Kosovës.
Izmaku: Nuk po arrijmë edhe pas 40 seancash në vazhdimësi që të krijojmë një marrëveshje politike e cila do të sillte një mazhorancë që do të vinte fillimisht tek konstituimi i organeve tek Kuvendit e pastaj edhe qeverisë.
Nisma si parti pjesëmarrëse në Kuvend me tre deputetë është faktor në përafrimin e një marrëveshjeje politike.
Mirëpo rastësisht këto ditë ende nuk kemi arritur që të ulemi edhe njëherë përfundimisht të shohim mundësinë mos po afrohemi tek një marrëveshje politike e cila do të sillte institucionet.
Po presim se mos ka ndonjë zhvillim pozitiv në ditët e ardhshme që të afrohemi tek numri i mjaftueshëm i krijimit të mazhorancës brenda Kuvendit.
Mirëpo edhe nesër nuk është një pritje e tillë.
Sepse ende nuk kemi në tavolinë një marrëveshje politike që i afron forcat tona edhe arrihet pra numri i nevojshëm prej 61 që krijohet një mazhorancë e vogël megjithatë që del nga ky ngërç.
