SHBA feston 249-vjetorin e Pavarësisë, presidenti Begaj: Gëzuar 4 Korrikun! Mirënjohës për ...
Nga OraNews Përditësimi i fundit 4 Korrik 2025, 11:45
Presidenti i Republikës, Bajram Begaj, ka uruar Shtetet e Bashkuara të Amerikës me rastin e 4 Korrikut, Ditës së Pavarësisë. Në një postim zyrtar, ai shprehu mirënjohje për marrëdhënien e fortë mes Shqipërisë dhe SHBA-së.
“Gëzuar 4 Korrikun! Në këtë ditë feste për miqtë dhe aleatët tanë amerikanë, Shqipëria shpreh mirënjohjen e saj të thellë për miqësinë e qëndrueshme dhe partneritetin strategjik me Shtetet e Bashkuara,” shkroi presidenti.
Begaj theksoi angazhimin e përbashkët të dy vendeve ndaj vlerave demokratike, paqes dhe sigurisë globale, duke shprehur dëshirën për thellimin e mëtejshëm të lidhjeve dypalëshe.
