Aksident tragjik në Fushë Arrëz/ Makina përplas dy turistët me motoçikletë, njëri prej tyre humb jetën në spital
Nga OraNews Përditësimi i fundit 2 Korrik 2025, 16:24
FUSH-ARRËZ-Një aksident i rëndë ka ndodhur pasditen e sotme në aksin Fushë Arrëz–Kryezi–Iballë.
Mësohet se dy turistë që udhëtonin me motor janë përplasur me një automjet.
Si pasojë e përplasjes, të dy turistët kanë pësuar dëmtime dhe janë transportuar me urgjencë drejt Spitalit të Pukës për të marrë ndihmën mjekësore.
Por fatkeqësisht njëri prej tyre ka humbur jetën pak pas përplasjes.
Ndërkohë grupi hetimor ndodhet në vendin e ngjarjes dhe po punon për sqarimin e rrethanave të aksidentit.
Njoftimi i policisë:
Fushë Arrëz / Informacion shtesë
Në vijim të informacionit të dhënë lidhur me aksidentin në fshatin Kryezi, ku shtetasi sllovak Z. S., duke drejtuar motomjetin e tij, është përplasur me automjetin me drejtues shtetasin R. V., dhe si pasojë është rrëzuar, ju informojmë se shtetasi sllovak Z. S. ka humbur jetën në Spitalin e Pukës, ndërsa pasagjerja në këtë motomjet, shtetasja B. T., po transportohet me helikopter në Tiranë për trajtim më të specializuar.
Grupi hetimor po punon për sqarimin e rrethanave të aksidentit.
