Monaco synon Ter Stegen-in, janë kryer kontaktet e para me portierin e Barcelonës
Nga OraNews Përditësimi i fundit 27 Qershor 2025, 17:10
Pas emrave si Paul Pogba dhe Ansu Fati, Monaco ka vënë në shënjestër një tjetër përforcim të madh.
Sipas raportimeve të ‘L’Équipe’, klubi nga Principata ka nisur kontaktet me Marc-André ter Stegen për të testuar mundësinë e një transferimi të portierit gjerman nga Barcelona.
Monaco është e zhgënjyer nga paraqitjet e deritanishme të Philipp Köhn dhe Radosław Majecki dhe kërkon një ‘gardian’ të besueshëm për sezonin e ardhshëm, veçanërisht për pjesëmarrjen në Champions League, një objektiv madhor për klubin që kërkon të konfirmojë ambiciet në rritje.
Ter Stegen mund të joshet nga oferta: titullar i padiskutueshëm, më pak presion krahasuar me ambientin në “Camp Nou” dhe një klimë më e qetë për t’u përgatitur për Kupën e Botës të vitit të ardhshëm, një turne që ai nuk dëshiron ta humbasë.
Për më tepër, afërsia gjeografike me Katalunjën, ku ai jeton aktualisht me familjen, e bën transferimin edhe më të lehtë në aspektin logjistik.
Megjithatë, vendimi përfundimtar do të jetë në duart e trajnerit Hansi Flick.
Tekniku i ri i Barcelonës, i njohur për sinqeritetin ndaj lojtarëve, ka shprehur disa dyshime mbi gjendjen fizike të Ter Stegen-it dhe ka dhënë dritën jeshile për afrimin e Joan García-s.
Tashmë pritet një takim mes Flick dhe Ter Stegen, i cili nuk ka përjashtuar largimin dhe po shqyrton mundësitë që ofron merkatoja, veçanërisht pas zhgënjimit të fundit nga mënyra si është trajtuar nga klubi katalanas.
