Rinumërimi i votave/ Kume: Është legjitim si proces formal, por nuk ka kuptim
Nga OraNews Përditësimi i fundit 26 Qershor 2025, 21:20
Eksperti i çështjeve zgjedhore, Kristaq Kume i ftuar në emisionin ‘’Drejt’’ në Ora News u shpreh se procesi i rinumërimit është legjitim si proces formal por nuk ka kuptim.
Kume: Ne vuajmë shumë nga mungesa e zbatimit të ligjit.
Më shumë sesa nga mënyra se si e zgjidh ligji problemin.
Në këtë çështje jemi duke zbatuar ligjin.
Pastaj se si ky ligj e trajton gjënë, kjo është tjetër.
Unë do të thosha që nuk është zgjidhur mirë kështu siç e kanë zgjidhur gjënë.
Është e domosdoshme që të ndërhyhet për të rregulluar gjënë.
Jo vetëm për mungesën e konstituimit të rezultatit shumë më tepër në kohë dhe shpenzimit në kohë që duket.
E gjitha kjo të krijon atë përshtypjen që ore këta bëjnë sikur apo duan të bëjnë.
Në fakt bëjnë sikur po bëjnë ndonjë gjë, asgjë nuk bëjnë.
E shikoni se çfarë po del me këtë rinumërim, asgjë nuk po del.
I cili është legjitim si proces formal por nuk ka kuptim në atë që prodhon për tu realizuar.
