Mori me forcë në automjet dhe dh*noi një 40-vjeçar, arrestohet 34-vjeçari në Tiranë
Nga OraNews Përditësimi i fundit 25 Qershor 2025, 15:35
Një 34-vjeçar është vënë në prangat e Policisë së Tiranës, pasi mor me forcë në automjetin e tij dhe më pas e dhunoi një shtetas.
Dyshohet se shkak mund të jetë bërë një konflikt për motive të dobëta. Ndërkohë që autoritetet po punojnë për zbardhjen e plotë të shkaqeve të këtij rasti.
Njoftimi:
“Sapo janë njoftuar se një shtetas ishte marrë me forcë, me automjet, shërbimet e Komisariatit të Policisë Nr. 3 kanë organizuar menjëherë punën për të identifikuar autorin/ët dhe sqaruar rrethanat e rastit.
Si rezultat i veprimeve të shpejta dhe profesionale operacionale, është identifikuar, kapur dhe arrestuar autori i dyshuar i rastit, shtetasi L. R.(P.), 34 vjeç, banues në Tiranë.
Nga këto veprime dyshohet se ky shtetas, për motive të dobëta, ka marrë me forcë në automjetin e tij, një 40-vjeçar, të cilin e ka goditur me grushte”, njoftoi policia.
