Numëron 7 paraqitje me Shqipërinë, Vllaznia këmbëngul për fantazistin 27-vjeçar
Nga OraNews Përditësimi i fundit 21 Qershor 2025, 13:31
Vllaznia po punon që të transferojë Sherif Kallakun. Ky i fundit është përfolur edhe më parë për kalimin te kuqeblutë, teksa aktualisht është lojtar i lirë.
Kallaku ka përfunduar kontratën me Sepsin në Rumani. 27-vjeçari numëron 7 paraqitje po ashtu me Kombëtaren shqiptare.
Do të ishte rikthim pas dy vitesh në Shqipëri për Kallakun. Fantazisti ishte pjesë e Teutës për herë të fundit.
Vlera aktuale e Kallakut në “transfermarkt” është 700 mijë euro. Në rast se kalon te Vllaznia, do të bëhet lojtari më i vlerësuar në treg nga skuadra kuqeblu.
