Starton pjesa e dytë, zikaltërit kërkojnë me çdo kusht përmbysjen
Nga OraNews Përditësimi i fundit 31 Maj 2025, 22:11
PSG vjen për herë të dytë në finale, teksa ka humbur të parën në vitin 2020 përballë Bajern Mynihut.
Ndërsa për Interin kjo është finalja e shtatë në histori, me tre të fituara dhe tre të humbura, të fundit në vitin 2023, me protagonistë shumë nga emrat të cilët janë në fushë edhe sot.
LIVE PSG-INTER 2-0
12′ Hakimi, 20′ Doue
NGJARJET KRYESORE
46’ Menjëherë një depërtim i Kvaratskhelias në të majtën, gjuajtja e tij nuk gjen portën e Zomer.
46’ Nis pjesa e dytë pa ndryshime në radhët e dy ekipeve.
45’+3’ Mbyllet pjesa e parë e ndeshjes me avantazhin 2-0 të PSG.
45’+2’ Edhe Kvaratskhelia gjuan pas një depërtimi nga e majta, sfera devijohet dhe përfundon jashtë katërkëndorit të italianëve.
45’+1’ Doue gjen një hapësirë për të gjuajtur nga jashtë zonës, sfera shkon jashtë, ngjitur me shtyllën në të majtën e Zomer.
45’ Jepen 2 minuta shtesë.
44’ Doue nga e majta harkon në shtyllën e dytë ku gjen Dembele, gjuajtja e të cilit godet vetëm traversën e portës së Zomer.
42’ Interi merr më shumë iniciativën në këto minuta, por pa gjetur të çarën për të goditur në portën e Donarumës.
37’ Një goditje këndi nga e djathta e Çalhanollu gjen Turam në shtyllën e dytë, gjuajtja e tij me kokë shkon jashtë jo shumë larg portës së Donarumës.
34’ Harkimi i një goditje këndi gjen Markinjos, gjuajtja e tij me kokë nuk gjen katërkëndorin.
27’ Fabian Ruiz provon me të majtën nga jashtë zonës, topi shkon në duart e Zomer.
23’ Interi tenton të reagojë me një goditje nga këndi, topi harkohet në zonë ku Açerbi gjuan me kokë, por çon sferën mbi traversë.
20’ GOOOL PSG 2-0/ Kundërsulm perfekt i parisienëve, topi shkon te Doue në të djathtën dhe gjuajtja e tij e devijuar shkon në rrjetë pas krahëve të Zomer.
17’ Kvaratskhelia depërton në të majtën, gjen hapësirën dhe gjuan, por çon sferën shumë lart mbi traversë.
12’ GOOOL PSG 1-0/ Aksion i shpejtë i francezëve, pasimi nga e djathta i Doue gjen Hakimin i cili shënon golin e avantazhit.
11’ Dembele në të djathtën gjen hapësirë për t’u futur në qendër, gjuajtja e tij shkon në duart e Zomer.
10’ Doue ndërron krah dhe del në të majtën, gjuajtja e tij përfundon në duart e Zomer.
7’ Harkime radhazi në zonën e Interit, Markinjos fillimisht nuk ia del të devijojë me kokë e pas gjuan jashtë.
2’ Doue hyn në zonën e Interit por nuk ia del të gjejë pasimin e duhur, teksa shkakton faull ndaj Çalhanollu.
!’ Nis dueli në Mynih.
FORMACIONET ZYRTARE
PSG: Donaruma, Hakimi, Markinjos, Paço, Nunjo Mendesh, Zhoao Neves, Vitinja, Fabian Ruiz, Doue, Dembele, Kvaratskhelia.
Trajner: Luis Enrike
INTER: Zomer, Bastoni, Açerbi, Pavard, Dimarko, Dumfris, Çalhanollu, Mkhitarjan, Barela, Lautaro Martinez, Turam.
Trajner: Simone Inzagi
