VIDEO/ I arrestuari për incidentin “Liverpool”! 53-vjeçari që përplasi makinën me turmën merret në pyetje, akuzohet për ...

Nga Katerina Hysenllari Përditësimi i fundit 28 Maj 2025, 14:37

Policia në Liverpool ka marrë në pyetje shoferin i Ford Galaxy që u përplas me turmën gjatë festimeve për fitoren e Liverpoolit në Premier League. 53-vjeçarin i cili u arrestua të marten akuzohet për tentativë vrasjeje dhe drejtim mjeti nën ndikimin e Lëndëve narkotike

Policia e Merseyside në Liverpool ka marrë në pyetje një burrë 53-vjeçar, i cili u arrestua të martën me akuzën për tentativë vrasjeje dhe drejtim mjeti nën ndikimin e substancave narkotike, pas një incidenti të rëndë gjatë festimeve të tifozëve të Liverpul për fitoren e Premier League.

I dyshuari është shoferi i një automjeti Ford Galaxy, i cili u përplas me një turmë njerëzish që po festonin në rrugën Water, duke shkaktuar panik dhe plagosje të shumta në mesin e të pranishmëve.

Sipas policisë, para se të ndodhte përplasja, makina shmangu një bllokim rrugor dhe u afrua pranë një ambulance që po përgjigjej ndaj një emergjence mjekësore, ku një person kishte pësuar atak në zemër, gjë që krijoi një situatë shumë të ndërlikuar në vendngjarje.

Për shkak të incidentit, rruga Water u mbyll për disa orë për të lejuar autoritetet të kryenin hetimet e nevojshme dhe të siguronin vendngjarjen.

Nga përplasja, 11 persona u plagosën dhe u dërguan menjëherë në spital, ku aktualisht ndodhen në gjendje të qëndrueshme.

Klubi i Liverpoolit ka shprehur keqardhje të thellë për ngjarjen dhe ka ofruar mbështetje të plotë për të gjithë të prekurit dhe familjet e tyre.

Përmes një deklarate zyrtare, klubi u bëri thirrje tifozëve të jenë të kujdesshëm gjatë festimeve dhe premtoi bashkëpunim të ngushtë me autoritetet për të parandaluar incidente të ngjashme në të ardhmen.

Ndërkaq, autoritetet lokale kanë rritur masat e sigurisë në zona të tjera të qytetit gjatë eventeve publike, duke shtuar praninë policore dhe duke vendosur pengesa për të kontrolluar qarkullimin e automjeteve pranë vendeve ku zhvillohen tubime masive.