Rio Ferdinand tregon gjendjen nga spitali: Mu duk se po më “fikeshin dritat''
Nga OraNews Përditësimi i fundit 14 Maj 2025, 17:44
ANGLI - Rio Ferdinand ka kaluar ditë të vështira, që kanë shqetësuar jo pak fansat dhe botën e futbollit.
Ish-mbrojtësi legjendar anglez, sot 46 vjeç, komentator i “TNT Sports”, kishte postuar disa ditë më parë një foto nga shtrati i spitalit, duke shkruar: “Më vjen keq që do t’i humbas gjysmëfinalet këtë javë në TNT.
I uroj ekipit suksese, do t’i ndjek të gjitha minutat në iPad”.
Përmes podcast-it të tij “Rio Ferdinand Presents”, ish-mbrojtësi ka treguar se ishte prekur nga një virus shumë i rëndë: “Mendova se po fikeshin dritat, po humbisja ndjenjat.
Isha në shtrat në shtëpi dhe mezi i hapja sytë nga dhimbja. Dhimbja e kokës ishte e tmerrshme.
Ndjeja sikur sytë po më dilnin nga vendi. Shkova vazhdimisht në tualet, më pas u ktheva në shtrat dhe ndjeva marramendje.
Kapesha fort pas çarçafëve, sepse nuk dija ku isha”.
Sidoqoftë, frika më e madhe erdhi në momentin kur mjekët vendosën të ndërhynin: “Mendova që ishte thjesht një virus, ndoshta grip.
Sidoqoftë, kur mjeku përmendi ambulancën dhe një TAC të trurit, më pushtoi paniku total”.
Fatmirësisht, gjendja e tij shëndetësore është përmirësuar, Ferdinand tashmë është kthyer në punën e tij si komentator televiziv.
Një alarm i madh për një figurë të dashur të futbollit, që sot mund të buzëqeshë përsëri pas një përvoje dramatike.
