Conceição: Jemi gati për një finale të madhe, të përgatitur për çdo skenar
Nga OraNews Përditësimi i fundit 13 Maj 2025, 20:48
Milani ndodhet në prag të një sfide vendimtare: finalja e Kupës së Italisë kundër Bolognës është një mundësi kyçe për të shpëtuar një sezon me shumë ulje dhe pak ngritje.
Një fitore do të sillte trofeun e dytë pas Superkupës dhe një vend të sigurt në Europa League. Trajneri Sergio Conceição, në konferencën për shtyp, theksoi rëndësinë e momentit:
“Presioni është pjesë e historisë së këtij klubi. Kemi pasur rritje në lojë dhe në rezultate. Tani duhet të jemi të përgatitur për çdo skenar.”
Për sfidën, Conceição konfirmoi rikthimin e Leao-s pas pezullimit, por Fofana mbetet në dyshim për shkak të një problemi në këmbë. Në sulm, ballafaqimi mbetet i hapur mes Jovic dhe Gimenez, me serbin pak më të favorizuar.
Duke komentuar sezonin, Conceição theksoi unitetin e skuadrës dhe dëshirën për të shpërblyer tifozët në një vit të vështirë:
“Nuk ka frikë, ka vetëm përqendrim dhe dëshirë. Grupi është i qetë dhe gati për një finale të madhe.”
