Robert Francis Prevost do të jetë lideri i Kishës Katolike, do të quhet Papa Leoni XIV

Nga OraNews Përditësimi i fundit 8 Maj 2025, 19:21

Robert Francis Prevost OSA (i lindur më 14 shtator 1955) është një prelati katolik amerikan që, që nga 8 maji 2025, është kreu i Kishës Katolike dhe sovrani i Shtetit të Qytetit të Vatikanit.

Ai shërbeu si prefekt i Dikasterit për Ipeshkvijtë dhe president i Komisionit Papnor për Amerikën Latine që nga viti 2023.

Më parë, ai ka qenë ipeshkëv i Chiclayo-s në Peru nga viti 2015 deri në vitin 2023, si dhe prior i përgjithshëm i Urdhrit të Shën Augustinit nga 2001 deri në 2013.

Në vitin 2015, kardinali Prevost mori shtetësinë peruviane, siç konfirmohet nga Regjistri Kombëtar Civil i Perusë. Më 8 maj 2025, ai u zgjodh Papë.

Leoni XIV është Papa i ri

Robert Francis Prevost do të jetë lideri i Kishës Katolike, do

Habemus Papam! Sot Konklavi zgjodhi Kardinalin Robert Francis Prevost Ipeshkëv të 267-të të Romës.

Njoftimin ia dha turmës, në pritje, Kardinali Protodiakon Dominique Mamberti

Annuntio vobis gaudium magnum: habemus Papam! “Ju kumtoj një gëzim të madh: kemi Papën!".

Pak çaste më parë nga Lozha Qendrore e Bazilikës së Shën Pjetrit, Kardinali Protodiakon Dominique Mamberti shqiptoi këtë formulë latine, duke i komunikuar Romës dhe mbarë botës emrin e Pasardhësit të ri të Pjetrit:

“Eminentissimum ac Reverendissimum Dominum, Dominum Cardinalem Robertum Franciscum Prevost, qui sibi nomen imposuit Leone XIV.

Ja përkthimi në shqip: “Më i shquari dhe më i nderuari Z. Robert Francis Prevost, Kardinal i Kishës së Shenjtë Romake, që zgjodhi emrin e Leonit XIV".

Që nga viti 1900, pesë papë janë zgjedhur në ditën e dytë të konklavës: para tyre, ishin Piu XII, Gjon Pali I, Benedikti XVI dhe Françesku.

Konklava më e shkurtër e shekullit të kaluar u mbajt pak para Luftës së Dytë Botërore: tre votime në dy ditë ishin të mjaftueshme që Eugenio Pacelli të ngjitej në fronin papnor me emrin Pius XII, më 2 mars 1939.

Albino Luciani arriti kuorumin në dy ditë dhe katër votime, duke u bërë papë më 26 gusht 1978 me emrin Gjon Pali I.

Joseph Ratzinger, papa i parë i mijëvjeçarit të tretë me emrin Benedikti XVI, u zgjodh gjithashtu në dy ditë dhe katër votime, më 19 prill 2005.

Pesë votime dhe dy ditë ishin të mjaftueshme për Jorge Mario Bergoglio më 13 mars 2013.