Putin nënshkruan projektligjet për të mbrojtur rusët nga ndikimi i huaj
Nga OraNews Përditësimi i fundit 21 Prill 2025, 20:59
Presidenti rus Vladimir Putin nënshkroi një paketë projekt-ligjesh që paraqesin kufizime të reja për agjentët e huaj dhe dënime më të ashpra për krimet që kërcënojnë sigurinë dhe sovranitetin e vendit.
Agjentët e huaj tani e tutje nuk do të jenë në gjendje të punojnë në arsim dhe të mbajnë poste drejtuese në korporatat e kontrolluara nga qeveria.
Dënime më të rrepta janë futur për thirrjet për të vendosur sanksione ndaj Rusisë nëse krimi është kryer për përfitime personale.
Disa arsye për caktimin e një agjenti të huaj, vjen për shkak se qytetarët që ndihmojnë në ekzekutimin e vendimeve të organizatave ndërkombëtare në të cilat Rusia nuk merr pjesë, nëse ato vendime janë të drejtuara kundër sigurisë së Federatës Ruse, tani e tutje do të caktohen agjentë të huaj.
Statusi i agjentit të huaj do të jepet edhe për mbështetjen e vendimeve të ngjashme nga qeveritë e huaja.
Gjithashtu, një arsye tjetër për përcaktimin e personave agjentë të huaj do të jetë përfshirja e tyre, përfshirë të miturit, në mbledhjen e informacionit mbi veprimtaritë ushtarako-teknike të Federatës Ruse, nëse marrja e këtij informacioni nga burime të huaja do të kërcënonte sigurinë e vendit.
