Ligje dhe edukim për sigurinë rrugore! Ngrihet Koratoriumi për Sigurinë Rrugore, diskutim me ekspertët e qytetarët
Nga Gisela Çota Përditësimi i fundit 16 Prill 2025, 15:01
Kuratoriumi për Sigurinë Rrugore kërkoi ndryshime ligjore dhe më shumë edukim për të ulur aksidentet. Strategjia e re përfshin radarë inteligjentë dhe përfshirje aktive të qytetarëve.
Koratoriumi për Sigurinë Rrugore bëri bashkë ekspertë dhe përfaqësues të institucioneve dhe qytetarë në një diskutim ku u kërkuan ndryshime ligjore dhe rritjen e edukimit për të garantuar të gjithë përdoruesit e rrugës.
Drejtori Ekzekutiv Stefan Çaçi u bëri thirrje qytetarëve, institucioneve dhe ekspertëve që të përqafojnë këtë nismë
Ministri i Brendshëm, Ervin Hoxha, njoftoi se strategjia e re përfshin vendosjen e radarëve inteligjentë në akset kryesore.
“Situata ka ndryshuar shumë, Policia nuk është më si më parë, por as Policia Rrugore nuk është si më parë. Këtu përfshihet fuqizimi i Policisë Rrugore, nëpërmjet një teknologjie të re, ku matësit e shpejtësisë, e përdoruesve të rrugës, të alkoolit janë kthyer me një paketë të plotë teknologjike e cila monitoron akset shqiptare anembanë vendit”, tha Hoxha.
Ministri Hoxha ndau edhe rezultatet krahasuese të jetëve të humbura si pasojë e aksidenteve rrugore, mjet-individ nga viti 2012 e deri vitin e kaluar.
“Në vitin 2012 numri i jetëve të humbura ishte 334, në 2024-ën ishte 175 viktima në aksidente. Krahasimet me të vdekurit nuk duhet të bëhen, por këto janë fakte dhe tregojnë që një dukuri që ndodh në rrugët tona, si edhe një standard që shtetet e BE-së e kanë kaluar. Aksidentet me pasojë vdekjen mjet me këmbësor ku ne sot kemi rreth 35% të rasteve që përfshihen në këto aksidente, na detyron që të punojmë më shumë në këtë fushë”, shtoi ai.
“Koeficienti i humbjes së jetëve njerëzore është më i ulët krahasuar me vendet e rajonit, por në raport me BE kemi një raport jo shumë pozitiv. Kjo siguri është një sfidë kombëtare që prek jetën dhe mirëqenien e çdo familjeje shqiptare”, pohoi Hoxha.
Ministri i Brendshëm nënvizoi faktin se “çdo aksident i shmangur është një jetë e shpëtuar”, ndaj për të mbërritur tek ky vizion po investohet në idenë e qyteteve inteligjente, ku qeveria shqiptare ka nënshkruar marrëveshjen e huamarrjes me Abu-Dabin që i hap rrugë një projekti ambicioz i cili do të shtrihet në të gjithë vendin.
“Rrugët interurbane do të monitorohen nëpërmjet kamerave, shpejtësia do të matet nga radarët, por edhe targat do të jenë të lexuara nëpërmjet kësaj teknologjie. Ne do të hapim edhe Qendrën e Menaxhimit të Trafikut kombëtar, ku do të jenë të përfshirë shumë punonjës policie që do të jenë menaxherët e parë të kësaj praktike moderne dhe evropiane. Edukimi dhe ndërgjegjësimi i qytetarëve është një tjetër element i rëndësishëm. Siguria fillon nga sjellja jonë në trafikun rrugor.
Zjarr pranë Parkut Kombëtar të Llogarasë në Vlorë
16 Prill, 14:59
Si edhe forcimi i ligjit dhe rritja e përgjegjshmërisë institucionale, ku Policia Rrugore në bashkëpunim me autoritetet e tjera vijojnë forcimin e koordinimit nëpërmjet Kodit Rrugor dhe trajnimet e vazhdueshme në përdorimin e teknologjisë”, tha Hoxha, ndërsa shtoi se qytetet tona do të jenë më të sigurta, me një angazhim dhe përkushtim të përbashkët.
Erjola Lamo theksoi rolin e qytetarëve në këtë nismë
Mit’hat Tola përfaqësues i Kuratorium prezantoi një projekt për edukimin e fëmijëve në këtë fushë.
Ky takim më shumë se një konferencë ishte një thirrje për veprim dhe bashkëpunim për rrugë më të sigurta dhe më pak aksidente
KRS (KURATORIUM OF ROAD SAFETY) është një qendër e dedikuar për sigurinë rrugore në Shqipëri, e drejtuar nga profesionistë me mbi 20 vite eksperiencë në fushën e transportit, legjislacionit rrugor dhe edukimit publik.
Misioni është ndërgjegjësimi për sigurinë në trafik përmes informimit, edukimit dhe frymëzimit, duke ndikuar në përmirësimin e kuadrit ligjor, zbatimit praktik dhe sjelljes në rrugë.
Së shpejti pritet të çeket dhe një podcast që flet për gjithçka rreth sigurisë rrugore, ku do të diskutojmë tema kyçe si sinjalistika, problematikat e përditshme në rrugë, aksidentet, ligjet, dhe rrëfime reale që mund t’i ndodhin kujtdo prej nesh.
