VIDEO/ Tenistja britanike rrëzohet në tokë, largohet nga fusha me karrige me rrota

Nga OraNews Përditësimi i fundit 2 Prill 2025, 17:28

Tenistja britanike, Francesca Jones, është detyruar të tërhiqet nga Kupa Colsanitas në Bogotá pasi u rrëzua në fushë.

24-vjeçarja u duk se u lëkund pasi nuk arriti të kthente një shërbim nga argjentinasja Julia Riera në setin e tretë të ndeshjes së tyre dhe nuk ishte në gjendje të rikthehej për të luajtur.

Ajo ra në tokë dhe u largua nga fusha me një karrocë me rrota.

"Për shkak të një problemi fizik, Francesca Jones është tërhequr nga ndeshja e saj kundër Julia Riera në rezultatin 6-2, 5-7, 5-3 në favor të argjentinases," njoftoi turneu në X.

"I urojmë tenistes britanike një shërim të shpejtë."

Jones, e cila ndodhej dy pikë larg humbjes, kishte një rikthim të shpejtë pasi fitoi titullin e saj të tetë në karrierë në Brazil gjatë fundjavës, ndërsa loja në lartësi mund të ketë ndikuar gjithashtu.

E renditur e 129-ta në botë, ajo përballet me sfida fizike në fushë pasi ka lindur me një gjendje të rrallë gjenetike, e njohur si ektrodaktili displazia ektodermale.

Ajo ka një gisht më pak në secilën dorë dhe vetëm shtatë gishta në këmbë. Përfundimi i ndeshjeve ka qenë një sfidë gjatë gjithë karrierës së saj, me Jones që ka vuajtur shpesh.

Kjo është hera e 19-të që ajo tërhiqet gjatë një ndeshjeje dhe e dyta këtë vit. Riera do të përballet me amerikanen Iva Jovic në raundin tjetër.