Arrestohet hajduti në Firence, policia e identifikoi prej... Juventusit
Nga OraNews Përditësimi i fundit 18 Mars 2025, 20:36
Një detaj që duket i parëndësishëm u bë fatal për një hajdut serial që vepronte në Firence.
Gabimi i tij? Një tatuazh në qafë që përshkruante stemën e Juventusit, i cili lejoi hetuesit ta identifikonin dhe ta arrestonin.
Burri, përgjegjës për të paktën dymbëdhjetë vjedhje në dyqane dhe biznese midis dhjetorit 2022 dhe tetorit 2024, vepronte me fytyrë të zbuluar, por marka e Juventusit në lëkurën e tij e bëri shumë të lehtë identifikimin nga pamjet e kamerave të sigurisë.
Hetuesit, duke krahasuar videot e mbledhura nga zonat e goditura, vunë re detajin përsëritës dhe arritën të zbulojnë identitetin e tij.
Mëngjesin e djeshëm, me kërkesën e Prokurorisë së Firenze-s dhe me një urdhër nga gjykatësi, hajduti u arrestua nga një forcë e policisë gjyqësore dhe u dërgua në burgun e Sollicciano.
Për të, ishte një ditë për t’u harruar, e përkeqësuar nga humbja e Juventusit kundër Fiorentinës të dielën pasdite.
Sipas hetimeve, vlera e përgjithshme e plaçkës së vjedhur është rreth 100 mijë euro.
Në një rast, i dyshuari la edhe gjurmët e gishtit të tij në një regjistrues kasash, duke kontribuar edhe më shumë në identifikimin e tij.
