Shkelja e marrëveshjes së armëpushimit! Ushtria izraelite: Do të vazhdojmë të godasim objektivat terroriste në të gjithë Gazën
Nga OraNews Përditësimi i fundit 18 Mars 2025, 13:59
Ushtria izraelite thotë se po vazhdon të godasë “objektivat terroriste” që i përkasin grupeve militante të Hamasit dhe Xhihadit Islamik Palestinez në Gaza.
IDF thotë se objektivat e goditura gjatë orëve të fundit përfshijnë “celula terroriste, poste lëshimi, rezerva armësh dhe infrastrukturë ushtarake shtesë” të përdorura për të planifikuar dhe ekzekutuar sulme kundër civilëve izraelitë dhe ushtarëve të IDF.
“Në këtë kohë, IDF dhe ISA po godasin objektiva terroriste në të gjithë Rripin e Gazës”, thuhej më tej.
Hamasi thotë se Izraeli ka shkelur marrëveshjen e armëpushimit me sulmet e tij, duke e akuzuar atë për përpjekje për të “mashtruar opinionin publik dhe për të krijuar justifikime të rreme për të mbuluar vendimin e tij të mëparshëm për të rifilluar gjenocidin kundër civilëve të pambrojtur.
Hamasi iu përmbajt marrëveshjes deri në momentin e fundit dhe ishte i prirur ta ruante atë”, tha grupi në një deklaratë.
“Megjithatë, Netanyahu, duke kërkuar një rrugëdalje nga krizat e tij të brendshme, preferoi të rindezte luftën në kurriz të gjakut të popullit tonë”.
