Japonia dyfishon tarifën për t'u ngjitur në malin Fuji për të luftuar mbiturizmin
Nga OraNews Përditësimi i fundit 17 Mars 2025, 16:28
Nga kjo verë, alpinistët që ngjiten në malin Fuji përmes katër shtigjeve kryesore do të duhet të paguajnë një tarifë hyrjeje prej 4000 ¥ (24,70 €).
Masa është pjesë e përpjekjeve të Prefekturës Yamanashi për të mbrojtur mjedisin dhe për të kufizuar ndikimet e turizmit masiv.
Mali më i lartë i Japonisë po përballet me një rritje të ndjeshme të vizitorëve, e cila ka sjellë ndotje dhe shqetësime për sigurinë.
Verën e kaluar, një tarifë 2000 ¥ (12,35 €) u vendos vetëm për shtegun Yoshida, më i frekuentuari, por këtë vit pagesa do të shtrihet edhe në tre rrugë të tjera që më parë ishin falas.
Përveç tarifës, autoritetet kanë vendosur edhe një kufi prej 4,000 alpinistësh në ditë për të parandaluar mbingarkesën.
Të ardhurat nga pagesat do të përdoren për ndërtimin e strehimoreve emergjente dhe mirëmbajtjen e rrugëve të ecjes.
Masa të ngjashme janë marrë edhe në qytetin Fujikawaguchiko, ku një gardh u ngrit për të parandaluar turmat e turistëve që bllokonin trafikun për të bërë foto me malin në sfond.
Pas efektivitetit të tij, autoritetet paralajmërojnë se mund ta rikthejnë nëse fluksi i turistëve rritet sërish.
