42 MIJË AZILKËRKUES NË PRITJE! Raporti për Britaninë e Madhe: Rreth 40 mijë strehohen në hotele

Nga Katerina Hysenllari Përditësimi i fundit 17 Mars 2025, 15:13

Pothuajse 42,000 azilkërkues në Mbretërinë e Bashkuar janë në pritje të apelit pas refuzimit të kërkesave, ku 40 mijë prej të cilëve strehohen ende në hotelte. Statistikat tregojnë nëj rritje të ndjeshme të kërkesave, ndërsa qeveria britanike ka ndërmarrë disa politika për të luftuar fenomenin

Rreth 42,000 azilkërkues në Mbretërinë e Bashkuar janë duke pritur për një seancë apeli pasi Ministria e Brendshme refuzoi kërkesat e tyre fillestare për azil.

Këshilli i Refugjatëve tha se numri është pesëfishuar në dy vjet dhe qeveria rrezikon të zhvendosë krizën e azilit nga një pjesë e sistemit në tjetrin, me pothuajse 40,000 migrantë të strehuar ende në hotele.

Qeveria mbetet e vendosur për t'i dhënë fund përdorimit të hoteleve për azil dhe për të ulur kostot e larta të akomodimit.

Këshilli i Refugjatëve tha se më shumë kërkesa të azilkërkuesve po refuzohen për shkak të legjislacionit të prezantuar nga qeveria e mëparshme konservatore, e cila e bëri më të vështirë vërtetimin e statusit të vërtetë të refugjatit.

Pasi qeveria miratoi Aktin e Kombësisë dhe Kufijve, vetëm katër në 10 afganëve iu dha leja  për të qëndruar në gjysmën e dytë të vitit të kaluar. Më parë, pothuajse të gjithë afganët që kërkonin strehim, iu jepej azil.

Aktualisht, afganët përbëjnë kombësinë më të lartë të akomoduar në hotele dhe ata që mbërrijnë me varka të vogla.

Shefi ekzekutiv i Këshillit të Refugjatëve, Enver Solomon, ka bërë thirrje për një vendimmarrje më të mirë dhe më të drejtë.

"Vendimmarrja e duhur për herë të parë do të sigurojë që refugjatëve t'u jepet siguri për të vazhduar për të kontribuar në komunitetet në të gjithë vendin dhe ata që nuk kanë të drejtë të qëndrojnë në MB do të largohen me dinjitet dhe respekt," tha ai.

Statistikat e Ministrisë së Drejtësisë tregojnë se në fund të vitit 2024 kishte 41,987 ankesa për azil në numrin e mbetur të gjykatës, nga 7,173 në fillim të vitit 2023.

Analiza e Këshillit të Refugjatëve sugjeron se numri i përgjithshëm i kërkesave për azil të paraqitura vitin e kaluar ishte në një rritje prej 71% në vitin 2023.