Çdo ditë, 1 në 3 gra, “viktimë”/ Raporti “tronditës” i KE-së: 31% e grave mbi 15 vjeç në BE kanë përjetuar ...

Nga OraNews Përditësimi i fundit 8 Mars 2025, 13:35

Një në tre gra mbi 15 vjeçe që jetojnë në vendet e Bashkimit Evropian kanë përjetuar dhunë fizike dhe ose seksuale sipas një raporti të Komisionit Evropian. Një grua vritet ose plagoset çdo ditë në vendet e Unionit vetëm për shkak të gjinisë sipas statistikave.

Një grua vritet ose plagoset çdo ditë për shkak të gjinisë në Bashkimin Evropian tregon një raport i publikuar në prag të ditës Ndërkombëtare të Gruas më 8 Mars.

“Shumica dërrmuese e autorëve të dhunës fizike, ose psikologjike janë partnerët aktualë ose të mëparshëm të grave”, sipas statistikave.

31% e grave të moshës mbi 15 vjeç në BE kanë përjetuar dhunë fizike dhe ose seksuale dhe 57% e viktimave kanë pësuar pasoja shëndetësore, sipas një Anketimi në gjithë vendet e Unionit.

Në një studim të fundit gjerman, 92% e grave midis 18 dhe 35 vjeç thanë se kishin përjetuar ngacmime ose sulme.

Numërimi Femicit, vrasjes së një gruaje apo vajze për shkak të gjinisë së saj  është e vështirë në të gjithë BE-në për shkak të përkufizimeve të ndryshme.

Jo të gjitha shtetet anëtare kanë ligje specifike për femicidën, megjithëse disa vende e kanë përfshirë në kodet e tyre penale.

Në Gjermani, raportohet pothuajse një femicid çdo ditë. Në vitin 2023, rreth 938 vajza dhe gra ishin viktima të tentativës ose të kryerjes së femicideve – 360 nga këto gra vdiqën.

Në Francë, Ministria e Brendshme tha se 96 gra ishin viktima të “femicidit bashkëshortor” në vitin 2023.

Në Spanjë, 48 gra u vranë për shkak të “dhunës gjinore” në një marrëdhënie apo situatë familjare në vitin 2024.

Komisionerja për Barazi, Hadja Lahbib prezantoi  udhërrëfyesin e ri të komisionit për forcimin e të drejtave të grave, me lirinë nga dhuna me bazë gjinore si hapin e parë në këtë rrugë.

BE-ja ka përfunduar aderimin e saj në Konventën e Stambollit të Këshillit të Evropës  instrumenti i parë ndërkombëtar ligjërisht i detyrueshëm mbi këtë temë.

Aty përcaktohen katër forma kryesore të dhunës ndaj grave: fizike, seksuale, psikologjike dhe ekonomike.

Në maj të vitit 2024, BE miratoi direktivën e saj të parë për të luftuar dhunën ndaj grave dhe dhunën në familje. Ai kriminalizon forma të caktuara të dhunës ndaj grave në nivel të BE-së, si gjymtimi i organeve gjenitale të grave, martesa e detyruar dhe dhuna në internet.

Kjo e fundit përfshin ndarjen pa konsensus të imazheve intime, sulmet kibernetike, ngacmimet kibernetike dhe nxitjen e urrejtjes dhe dhunës mbi baza gjinore.

Shtetet anëtare kanë afat deri në qershor 2027 për të zbatuar direktivën në ligjet dhe politikat e tyre kombëtare. Megjithatë, progresi është jo i barabartë dhe shkalla e përpjekjes është e madhe.