Studentët në Beograd nderojnë 57 viktimat e tragjedisë hekurudhore në Temp
Nga OraNews Përditësimi i fundit 28 Shkurt 2025, 19:07
Studentë dhe qytetarë të Serbisë janë mbledhur sot para ambasadës greke në Beograd, për të nderuar 57 viktimat e tragjedisë në Tempi dhe për t’u solidarizuar me popullin grek.
Tubimi u organizua nga studentët e Universitetit të Beogradit. Në orën 11:00 studentët grekë që studionin në Beograd mbërritën jashtë ambasadës greke.
“Aksidenti në Tempe nuk ishte thjesht një ngjarje tragjike, ishte një zgjim humbën padrejtësisht 57 jetë dhe bashkë me to humbi edhe pafajësia e një brezi të tërë. Nuk heshtim, nuk falim nuk harrojmë dhe nuk mësohemi. Drejtësia nuk është luks, ne duhet të luftojmë për njerëzit që humbën padrejtësisht por edhe për ata që mbetën pas pyetjeve pa përgjigje”, tha studentja Eleftheria Tsakiridou për mediat lokale.
Studentët serbë marshuan nga Fakulteti Filozofik drejt ambasadës greke.
Në krye të marshit të studentëve serbë ishte një pankartë e madhe ku shkruhej: “Lufta juaj është edhe lufta jonë!” Studentët mbanin në duar flamuj grekë dhe serbë si dhe pankarta me slogane kundër korrupsionit dhe në favor të drejtësisë.
Në aktivitetin përkujtimor morën pjesë edhe qytetarë të thjeshtë të cilët në këtë mënyrë shprehën solidaritetin e tyre me popullin grek.
Në orën 11:52 u mbajt një heshtje 16-minutëshe në kujtim të 57 viktimave në Tempe dhe 15 të vdekurve nga shembja e murit të perdes në stacionin hekurudhor të Novi Sadit më 1 nëntor 2024.
Manifestimi i përkujtimit dhe nderimit për viktimat e Tempit u mbyll me vendosjen e një kurore lulesh para ambasadës greke nga një përfaqësues i studentëve serbë.
