Ekspertja Islami: Ligji për produktet e falsifikuara do të mbrojë prodhuesit shqiptarë
Nga OraNews Përditësimi i fundit 27 Shkurt 2025, 19:39
Në një intervistë në emisionin "Epiqendër" të gazetares së Ora News Sonila Musai, ekspertja e ekonomisë, Burbuqe Islami, ka shpjeguar rëndësinë e ligjit të propozuar për tregtinë e produkteve të falsifikuara.
Ajo theksoi se ky ligj ka si qëllim mbrojtjen e tregut të ndershëm dhe ndëshkimin e tregtarëve që shesin produkte të falsifikuara, një praktikë që ka dëmtuar gjithashtu prodhuesit shqiptarë.
Islami theksoi se ligji duhet të fokusohet në mbrojtjen e të drejtave të prodhuesve vendas, duke pasur prioritet mbështetjen e tyre.
Ajo nënvizoi se projektligji është analizuar edhe nga këndvështrimi i prodhuesve shqiptarë, si dhe i markave kombëtare dhe ndërkombëtare, për të siguruar një balancë të drejtë dhe mbrojtje të tregut.
