Java e 26-të e kampionatit nis sot me ndeshjen Dinamo-Laçi, njihuni me sfidat e tjera

Nga OraNews Përditësimi i fundit 21 Shkurt 2025, 10:54

Ndeshjet e javës së 26-të të kampionatit “Abissnet Superiore” do të luhen sot dhe nesër.

Dinamo City – Laçi është sfida që do të çelë siparin e javës së 26-të.

Sfida do të luhet sot në “Elbasan Arena” në ora 15:00. Sakaq, në ora 17:30 do të luhen dy ndeshje të tjera. 

Vllaznia do të presë Elbasanin në “Loro Boriçi”, ndërsa Partizani luan ndaj Bylisit në stadiumin “Arena e Demave”.

Të shtunën do të luhen dy ndeshjet e tjera, që janë programuar në të njëjtin orar, 17:00. Skënderbeu – Egnatia do të luhet në Korçë, me rrogozhinasit të cilët kanë fituar 9 sfida radhazi.

Sakaq, Teuta pret bardheblutë e Tiranës në stadiumin “Niko Dovana”.

Java e 26-të

Dinamo City – Laçi         21 shkurt, ora 15:00

Vllaznia – AF Elbasani  21 shkurt, ora 17:30

Partizani – Bylis             21 shkurt, ora 17:30

Skënderbeu – Egnatia   22 shkurt, ora 17:00

Teuta – Tirana                22 shkurt, ora 17:00