Eredivisie/ Vjen vendimi, 2-2! Heerenveen - Fortuna Sittard, nuk do të riluhet…
Nga OraNews Përditësimi i fundit 14 Shkurt 2025, 13:14
Federata Holandeze e Futbollit (KNVB) njoftoi të enjten se rezultati i ndeshjes ndërmjet Heerenveen dhe Fortuna Sittard (2-2) do të qëndronte, edhe pse mysafirët luajtën për disa sekonda me 12 lojtarë në fushë.
Ndërsa Fortuna bëri një zëvendësim i dyfishtë në minutën e 88-të, vetëm një lojtar i saj doli jashtë. Jasper Dahlhaus mbeti në tokë.
Edhe pse kjo epërsi numerike zgjati vetëm 22 sekonda, nuk ishte pa pasoja. Gjatë kësaj periudhe të shkurtër kohore mysafirët morën një goditje nga këndi që çoi në barazimin.
Kjo situatë e papërshtatshme e kishte zhytur në zemërim të thellë Robin van Persie, ish-sulmuesin ndërkombëtar holandez (102 ndeshje, 50 gola) tani trajner i Heerenveen.
Vetë KNVB u shfaq e turpëruar nga situata deri në atë pikë sa kontaktoi IFAB (Bordi Ndërkombëtar i Federatës së Futbollit), organi i FIFA-s përgjegjës për arbitrimin.
FA holandeze doli në përfundimin se improglio "nuk kishte një ndikim vendimtar në rezultatin përfundimtar të ndeshjes", duke konfirmuar rezultatin.
Heerenveen aktualisht ndodhet në vendin e nëntë në Eredivisie, në nivel pikësh të barabarta me Fortuna Sittard.
