Mason Greenwood do të luajë për Xhamajkën... “I mungon vetëm një dokument!”
Nga OraNews Përditësimi i fundit 24 Janar 2025, 08:14
Mason Greenwood është ylli i Olympique Marseille të Roberto De Zerbi, me të cilin ka shënuar 13 gola dhe 4 asistime në 20 ndeshje sezonale midis ligës dhe kupës së Francës dhe së shpejti mund të jetë edhe ylli i Xhamajkës.
Ish-lojtari i Manchester United, në fakt, ka vendosur të ndryshojë kombëtaren: ka luajtur vetëm një ndeshje me “Tre Luanët”, në vitin 2020, kur ishte nën 21 vjeç dhe sot i mungon vetëm një dokument për të bërë “transferimin" zyrtar.
Dennis Chung, sekretari i përgjithshëm i Federatës së Futbollit të Xhamajkës (JFF), e bëri të ditur këtë orët e fundit: "Asgjë nuk ka ndryshuar për ne, situata është e njëjtë. Ne në thelb presim një dokument, vetëm këtë, por ne kemi pritur për të për një kohë dhe ende nuk ka një afat kohor se kur do të përfundojë procesi”.
Nëse jepet drita jeshile nga FIFA në javët e ardhshme, golashënuesi më i mirë 23-vjeçar i Ligue 1 mund të thirret nga trajneri Steve McClaren për kualifikueset e Kupës së Botës 2026.
