Dita e Ujit të Bekuar, Rama: Riti i kapjes së kryqit në ujërat e Osumit
Nga OraNews Përditësimi i fundit 6 Janar 2025, 17:07
Besimtarët ortodoksë kremtojnë sot Ditën e Ujit të Bekuar.
Kryeministri Edi Rama ndau sot pamje nga riti i kapjes së kryqit në ujërat e lumit Osum, në Berat.
“Riti i kapjes së kryqit në ujërat e Osumit, ku prej shekujsh besimtarët e Beratit të rilindur festojnë Ditën e Ujit të Bekuar”, shkroi Rama në rrjetet sociale.
Më 6 Janar besimtarët ortodoksë në mbarë botën kremtojnë Shfaqjen e Perëndisë (Theofaninë), apo Pagëzimin e Krishtit, apo siç njihet dhe Dita e Ujit të Bekuar.
Epifani do të thotë shfaqje e sipërme. Festa quhet shpesh, sikurse është në librat e shërbesave orthodhokse, Theofani, që do të thotë shfaqje e Perëndisë.
Në 6 Janar në shumë vende është zakon që Bekimi i Ujit të bëhet në det, lumë, liqen apo në ndonjë pellg uji. Kur nuk është mundësia, bekimi bëhet në kishë.
