VIDEO/ Saranda destinacion i dashur festash, Rama ndan pamjet
Nga OraNews Përditësimi i fundit 2 Janar 2025, 19:59
Ditët me diell të këtij ndërrimi vitesh kanë tërhequr jo vetëm qytetarë të Sarandës, por edhe pushues të shumtë të shijojnë shëtitjet buzë detit Jon, përgjatë shëtitores.
Plazhet e kristalta të detit Jon dhe trashëgimia e pasur kulturore e bën Sarandën një zgjedhje të parë për shumë të huaj dhe vendas, edhe në festat e ndërrimit të viteve.
Kryeministri Edi Rama ndau pamje të qytetarëve të shumtë që kanë sfiduar stinën dhe janë zhytur në këto ujëra.
“Kështu ka nisur 2025 në Sarandën e bregdetit, tashmë dhe një destinacion i dashur festash”, shkruan Rama në rrjetet sociale.
Saranda, “perla” e jugut në 2023-shin u vlerësua si një prej 20 destiancioneve më të mira të dimrit në Europë nga revista Forbes.
