Federata Ndërkombëtare e Shahut ‘thyhet’ para kampionit absolut: Për çështje parimi, do të luaj me xhinse
Nga OraNews Përditësimi i fundit 30 Dhjetor 2024, 13:22
Kthesë e papritur në rregullat e shahut: jo në tabelë, sigurisht, por në politikën që zhvillohet jashtë saj.
Të premten, lideri botëror polemik, Magnus Carlsen, sfidoi Federatën Ndërkombëtare të Shahut (FIDE) dhe e vendosi këtë disiplinë në qendër të vëmendjes, duke refuzuar të ndryshonte menjëherë veshjen për të vazhduar të luante në Kampionatin Botëror të Shahut të Shpejtë në Nju Jork.
Ai u tërhoq gjithashtu nga turneu i ardhshëm, Blitz, që do të zhvillohej të hënën dhe të martën. Arsyeja ishte se ai kishte thyer protokollin duke veshur xhinse.
Pas një gjobe dhe një paralajmërimi, Carlsen nuk i ndërroi menjëherë rrobat dhe u ftua të largohej.
Megjithatë, FIDE, e kryesuar nga rusi Arkady Dvorkovich, ndryshoi qëndrim dhe tregoi më shumë fleksibilitet në kodin e veshjes.
Tani është vendosur që norvegjezi dhe pjesëmarrësit e tjerë mund të veshin xhinse, me kusht që ‘të mbajnë një minimum elegance.’
Carlsen, gjithmonë i guximshëm dhe sfidues, ka deklaruar se do ta shfrytëzojë këtë mundësi: ‘Arritëm një marrëveshje... dhe unë e dua shahun Blitz! Për çështje parimi, do të luaj me xhinse.’
