FOTO/ Këputi ligamentet në gusht, transformimi fizik i talentit të Realit
Nga OraNews Përditësimi i fundit 24 Dhjetor 2024, 20:20
Real Madridi ishte shumë i emocionuar këtë verë me paraqitjen e Joan Martínez-it gjatë fazës përgatitore.
Lojtari 17-vjeçar nga akademia po shkëlqente në stërvitje dhe në ndeshjet miqësore.
Por gjithçka ndryshoi më 9 gusht, kur një lëndim në ligamentet e kryqëzuara gjatë një stërvitje ndërpreu progresin e tij.
Operacioni ishte një sukses i plotë dhe qendërmbrojtësi nisi rikuperimin disa ditë më pas për t'u rikthyer sa më shpejt.
Real Madridi dëshironte të tregonte besimin e tij duke rinovuar kontratën me shpresën që Joan Martínez do të bëhej pjesë e ekipit të parë në të ardhmen.
Ai nuk e humbi shpirtin dhe që nga ajo kohë po lufton për t'u rikthyer sa më shpejt.
Pritet që të luajë disa ndeshje para përfundimit të sezonit.
Joan Martínez, përmes rrjeteve të tij sociale në një ditë kaq të rëndësishme si nata e Krishtlindjes, ka postuar në Instagram një foto ku shfaqet duke u stërvitur në palestër për t'u rikthyer sa më shpejt:
"Punë, dedikim dhe përpjekje. Tani është koha për të pushuar, për t'u kënaqur me të dashurit tanë dhe për të festuar. Gëzuar Krishtlindjen dhe Vitin e Ri 2025!"
