''PD u krijua si partia e lirive dhe e vlerave'', Shehu: Është sot shpresa e shqiptarëve për të rivendosur demokracinë
Nga Anila Zyberaj Përditësimi i fundit 13 Dhjetor 2024, 13:48
Deputeti i PD-së, Tritan Shehu në një intervistë në Ora News u shpreh se PD u krijua si partia e lirive, e vlerave, e Europës dhe e NATO-s.
Shehu: Themelimi i PD dhe lëvizja studentore është në historinë e Shqipërisë përbën atë që është krijimi i prularizmit të vërtetë shqiptar.
PD u krijua si partia e lirive, e vlerave, e Europës, e NATO-s.
Partia Euroatlantike, partia realisht për ta çuar në hapësirën që asaj i takon në hapësirën Europiane.
PD ishte dhe është forca kryesore demokratike në Shqipëri, me një vizion të qartë Perëndimor, me një vizion të qartë Demokratik.
Dhe ajo ishte periudha e shpresës së shqiptarëve për të rrëzuar regjimin dhe për të qenë në rrugën e Demokracisë.
Siç është edhe sot shpresa e shqiptarëve për të rivendosur demokracinë dhe rrugën europiane në Shqipëri.
