“AMNISTI PËR VOTA”/ PS kërkon faljen e gjobave për ndërtimet pa leje, debat i ashpër në Kuvend! Nallbati: Na këputët shpirtin me dhembshurinë tuaj

Nga OraNews Përditësimi i fundit 5 Dhjetor 2024, 11:17

Partia Socialiste gjatë seancës së sotme plenare ka propozuar një ligj për faljen e gjobave për ndërtimet pa leje dhe kërkon të kalojë me procedurë të përshpejtuar.

Kjo shkaktoi debat në kuvend pasi opozita tha se nuk ishte në dijeni të këtij propozimi. Prandaj seanca u ndërpre për tiu vënë në dispozicion opozitës propozimi. Pas 5 minutave debati rifilloi  pasi opozita akuzoi se pr/ligji nuk ishte depozituar më parë, por tani. Fjalën e mori ministri Taulant Balla, i cili tha se nuk ka asnjë shkelje të rregullores. Por opozita vijoi më tej me akuzat. Deputeti demokrat Beldion Nallbati duke iu drejtuar kryeparlamentares Elisa Spiropali, tha se projektligji i erdhi në minutën e fundit me mesazh në telefon.

Balla: Edhe kolegë të opozitës në shumë raste kanë ngritur jë shqetësim të qytetarëve lidhur me disa raste apo shumë raste të penalizimit të padrejtë, për ndërtime që kanë të bëjnë me një riparim çatie, me një mur mbajtës të një shtëpie, të një avllie. Në këtë kontekst deputetë të PS-së,…ajo që po thotë kryetarja e Kuvendit me shumë të drejtë, është që në fund të seancës pasi të shpërndahet te të gjithë deputetët drafti i propzuar…nuk ka asnjë shkelje të rregullores. Ju jeni kundër kësaj nisme? Kundër kësaj nisme do shpreheni pas dy javësh. Sa i përket procedurës është shumë e qartë. Unë të isha në opozitë do ngrija dy kartona, jo një. Kjo është diçka që lidhet drejtpërdrej me qytetarët.

Nallbati: Ju nuk mund të talleni këtu. Ju vijnë ligje dhe projektligje me SMS dhe ju na i sillni këtu në minutë të fundit.

Spiropali: Nëse doni të kapeni me faljen e gjobave kapuni, por nuk besoj se ju bën nder.

Nallbati: Ma dhe mua fjalën apo ia dhe vetes.

Spiropali i fik mikrofonin Nallbatit.

Spiropali: Mos krijoni tensione artificiale. E mbaruat fjalën. Zoti Nallbati duhet të flisni për procedurë.

Nallbati dhe Bardhi afrohen te foltorja, e cila menjëherë rrethote nga Garda.

Spiropali: Do t’iu vihet kërkesa në dispozicion të gjithë deputetëve. Zoti Gazi përmbaheni fjalorin se nuk më drejtoheni dot ashtu.. pse jeni mbledhur të gjithë aty bbashkë me Gardën? Garda largohuni, nuk ka nevojë. Ky është një tension artificial.

Noka dhe Sula tentojnë të largojnë Gardën.

Spiropali: Nallbari pëfundoni fjalën.

Nallbati: Zonjë e ke ves shumë të keq që i ndërhyn çdo deputeti në fjaël dhe i thua ‘të mbaroi koha’. Kohën e merr ti. Mos i ndfërhy deputetëve në fjalë. Të gjithë e dinë vetë se çfarë do thonë. Me këtë dhembshurinë e fajles së gjobavave na këputët shpirtin. Ky është një turp që bëni ju. Ne jemi kundër kësaj. Nuk i beson njeri këto skema.

DEBATET NE KUVEND