Berlini pret ministrat evropianë të Mbrojtjes, pasi Putin lëshon raketën e re mbi Ukrainë
Nga OraNews Përditësimi i fundit 25 Nëntor 2024, 12:03
Ministrat e Mbrojtjes nga Gjermania, Franca, Polonia, Italia dhe Mbretëria e Bashkuar do të takohen sot në Berlin për të diskutuar masat për forcimin e sigurisë dhe mbrojtjes në Evropë.
Fakti që Rusia ka vënë në shënjestër Ukrainën me një raketë të re me rreze të mesme veprimi, e cila mendohet të ketë implikime për të gjithë Evropën, ka të ngjarë të luajë një rol në diskutime.
Boris Pistorius i Gjermanisë, Sébastien Lecornu i Francës, John Healey Britanisë së Madhe, Wladysław Kosiniak-Kamysz i Polonisë dhe Guido Crosetto i Italisë do të takohen gjithashtu përpara presidencës së ardhshme të kritikut të NATO-s, Donald Trump.
Trump, i cili do të marrë detyrën më 20 janar, i ka bërë thirrje Evropës të investojë shumë më tepër para’ në sigurinë e saj dhe pritet të shkurtojë ndihmën ushtarake për Ukrainën.
Pas miratimit të fundit të Uashingtonit, Ukraina filloi të përdorë raketat ATACMS të prodhuara nga SHBA dhe raketat balistike britanike ”Storm Shadow” për të goditur objektet ushtarake në Rusi.
Presidenti rus Vladimir Putin më pas urdhëroi një sulm me raketa në qytetin ukrainas të Dnipro, i cili ka mbi një milion banorë, me një raketë të re me rreze të mesme veprimi të enjten në mëngjes.
